到HK啦~

已經到HK啦~ 落機既時候收到Venus 既電話, 原來佢係Toronto, 我地仲要坐同一班機!!! 佢坐去toronto, 我坐返HK~ 哈哈~ 跟住就收到Sasa send 過黎既SMS~ 哇~ 感覺好好~ 好掛住你地呀, Sasa, ivy, Jet jet baby & 妹妹~

由於本人有兩大個行李, 所以實在有D雞手鴨腳!! 超級無奈!! 今次我自己坐巴士出海怡, 成程車坐左我成個鐘~ 救命!! 好在有iPod 同PSP, 如果唔係, 悶死!!! On the way 既時候, 我Call 左Sasa 交代既人, 因為佢要幫阿B拎個行李, 所以佢係海怡等我! 完成交收後, 我就拖住個超難拉既行李, 一路去姑媽屋企!! 返到入屋, 我就call 我阿媽, 跟住就執野, 執執下先發覺我唔記得放阿B對眼鏡落去佢個行李度呀~ 即刻Call Sasa同佢講, 必要時, 我會寄上上海俾佢~

執晒D野出黎, 我就去洗身, 坐左成日飛機真係要由頭洗到落腳! 之後就落左去HK bank 問有關轉錢既野~ 擺低左封信叫佢地轉$$$去3姨戶口, 跟住我就去同我阿麻飲茶~ 佢完全唔認得我!! 要定眼望多幾秒先知!! 跟住就好驚訝~ 哈哈~ 飲完茶, 我就要出去銅鑼灣搞自己野, 我首先要去Bank 度出返張提款卡, 同埋收到信要我拎D$$$出黎如果唔係會有charge! 本來想去出個電話先, 但係搵極都搵唔到New World 係邊, 所以就去幫Sasa擺低部機俾人整先~ 出左電話之後, 我就第一時間Call 左Jen Jen 先, 本以為佢唔會聽我電話, 因為佢要返工, 但係竟然聽左, 佢逼左我過旺角搵佢~ 跟住我就Call Carina, 睇下佢點~ 約左聽日去行街~

去到旺角, 見到成個不似人型既Jen, 真係想去打醒佢, 因為就算發生咩事都唔應該咁樣對自己!! 我地坐左係銀龍, 阿Cal都有過黎, 仲有Carina 都過左黎! 嚇死阿Jen!! 食完野之後我就同Cal+Carina 去行旺角, 我想睇下D momoko~ 由於Carina 走先, 得返我同阿Cal, 就同左佢去買鏈~ 之後佢都返屋企, 而我就繼續遊蕩! 哈~ 跟住就上左Jen jen 度搞搞震! 哈~ 之後繼續係MK度行下, 差唔多8點我就係Jen 公司樓下等佢! 呢段時間超眼訓, 因為我差唔多成個星期冇訓過啦!! 佢同我去左先達問放W800幾$$, 因為我要買N80~ 哈~ 我一定唔會Keep w800!!

之後我地去左小肥羊, 仲有阿Cal 同Pam~ Carina都有過到黎, 不過我已經係睡魔入侵, 眼訓死左~ 都唔太想食野! On the way 返屋企, 我一路聽iPod 一路訓! 好累呀!!!