信君~

我E+係每日一信君照, 哈哈~ 電話有message 就會係信君既深情對白, 每次都要等個鈴聲響完我先睇個message~ 哈哈~ 車上聽緊既係《宮》的OST, 有好多首都好感動, 好多一聽就會記起套戲入面既一幕一幕信君既深情~ 哈哈~ 好好好感動呀~ 自己開著車, 我仲會因為記起信君既深情眼神而傻笑~ 哈哈~ 白癡妹!!

今日癲到再去租多次《我的野蠻王妃》套漫畫返屋企再睇, 好相信呢套將會被收藏於熊貓貓永遠喜愛漫畫系列~ 哈哈~ 呢套係第二套我要再租既漫畫, 之前個套係《戰神》, 仲好似睇左3次~ 黎緊既台灣之行, 相信會將呢兩套漫畫帶回家~

呢幾日都不停上you tube 搵智勛既視頻, 發現原來佢識彈琴架 (我對識彈琴既男仔有特別癖好~ 哈~) 而且鍾意影相, D相仲影得唔錯~ 哇~ 原來, 信君係咁多才多藝架~ 嗯嗯~ 我真係有D另眼相看~

今日San mama問我點解真係對某人做到咁絕, 其實, 本身已經唔鍾意佢, 男人老狗做埋D超八婆既野, 仲要係踩正我頭上, 我係可以做到咁絕~ 亦都可能我份人比較硬頸, 愛恨分得好清 (我未必恨佢, 但起碼我已經當佢透明) 同一個唔知幾時會踩住你黎上既人做朋友, 我寧願唔做! 對唔住, 你已經係一個透明人! 唔好問我點解唔一齊出去玩, 我係唔想放工後都聽到佢把聲, 我會癲架! 如果, 我真心當一個人係朋友, 我會俾足1000%你, 但係只要呢個人係我認定呢世都唔會做朋友, 我再絕D都得~