重逢

可愛的信君

今日同三姨, 頌怡, 其樂仲有阿公飲茶, 又係去返上次既陶源, 同一間, 同一個location~ 哈哈~ 我同頌怡打算係佢走之前去搵Miss Ho, 我地以前細細個既鋼琴老師~ 每次返HK我都會搵下佢, 講真, 我次次見佢都好似冇變過咁~ 不過有一樣野可以肯定既係, 佢越黎越有$$$~ 因為佢間琴行越搬越大, 越搬越靚~ 上到去, 唔知係咪冇人, 所以我地可以係咁傾, 而且我係被追住黎問果個, 因為我都仲有學琴嘛! 好開心可以再見佢, 下次返黎, 我可能已經係選擇定居啦~

之後我就同頌怡去左唱K, 因為大家都(支力) 所以冇去行街, 兩個人唱左成4個鐘, 我地兩個都投降啦!! 兩個人唱K真係有D愁呀! 跟住佢就陪左我去Sogo, 行一行Gucci, 因為on sale, 不過都唔知想買邊個~ 再去埋Tiffany 幫Sasa問Man in the moon 幾錢~ 比我想像中要平$1650, 因為如果係Toronto 買都要差唔多$1800~

之後, 我就去旺角Meet up Esther, 佢終於搵到我啦~ 哈哈~ 因為佢見到我個blog 度寫話我留低左電話俾Kamwai, 所以佢就SMS問佢我個電話~ 2年多冇見, 熊貓同企鵝終於重逢啦~ 我地終於可以懷緬一下以前我地係HK既時候行街行到天昏地暗既生活啦~ 哈哈~ 好掛住你呀~ 行左一輪, 我好(支力), 所以就去左食野, 食我最想食既雞翼炒一丁~ 好味呀~之後, 我地行多陣就走啦, 佢陪左我去7仔度top up 我張八達通, 臨走前, 我仲撞到Annie!! 嘩~ 呢個世界超細呀~ 留左我個contact 俾佢之後我就返屋企啦~

係巴士途中, 我打左俾Sasa, 因為想話佢知條鏈~ 傾左一陣佢都要準備出門口返工啦~ 哈哈~ 我係打電話叫醒佢既~ :D