好開心~

今日我10點多俾我阿媽叫起身, 佢Call 黎, 我都係半夢半醒狀態同佢講, 俾左我個手提佢, 咁佢就唔洗再搵我唔到! 輾轉多一陣就起身沖涼出去~ 我同姑媽姑丈仲有阿麻去左灣仔陶源飲茶~ 食飯中Sasa打黎呀, 同佢講話部機已經放低左啦, 仲傾左D無稜兩可既野~ 我全程係度狂笑~ 因為真係好開心嘛~ 哈哈~

之後, 我就係灣仔行過去銅鑼灣, 順便去左DC career 望下部Casio z1000, 真係都幾鍾意佢, 而且水貨都係$2780, 我覺得OK~ 去左三越行, 不過超多人, 因為三越要close 啦, 所以有closing sale~ 好想買ans 既耳環, 好靚呀, 不過, 我身上冇$$$, 點買? 我又唔想簽卡! 所以全程忍手咩都冇買~ 跟住去左Sogo, 因為想去Tiffany 幫Sasa 問條鏈幾錢, 但係都超多人, 兼冇人理我! 算!!! 下次再問~

之後Jen jen 打黎, 話已經到左, 我就叫佢係Sogo 樓下等我~ 我地去左HK bank 度等Carina~ 之後就開始行街, 我同阿mo 好似係大配角~ 唉~ 我地去左agnes b, 我未有野睇o岩!! 可能今次返黎知道自己肥左, 都未有心情去買衫~ 之後我地去做 i.t , 我終於買左對鞋, end up 都係簽卡!! 好鍾意~

我對新鞋

之後我地去左阿貓地攤, 我本人唔太鍾意貓, 我係比較鍾意狗~ 再來我地行左A/T, apc同FRAPBOIS~ 之後我就要返屋企食飯~ 六叔佢地過左黎~